高原西宁元宵节月明、灯亮，家团圆、国兴旺
Femisme es un grupo de ideolojias e promoves politica e sosial cual comparti un gol comun: per defina, institui, e ateni la egalia political, economia, personal, e sosial de la jeneros. Esta inclui combata la usa de stereotipos de jeneros e la xerca per institui oportunas en educa e profesas per femes cual es egal a los per omes.
Promoves femiste ia campania, e continua campania, per la diretos de femes, incluinte la direto de vota, per teni ofisia publica, per labora, per gania salarios justa o egal, per posese propria, per reseta educa, per entre contratas, per ave diretos egal en sposi, e per ave asentia madral suportada. Femistes ia labora ance per garantia asede a abortas legal e integra sosial, e per proteje per femes e enfantes fema de viole sesal, menasa sesal, e ataca familial. Cambias en vestes e ativia fisical asetada ia es frecuente un parte de promoves femiste.
Alga eruditas vide campanias femiste como un forte su multe cambias major, sosial e istorial per la diretos de femes, spesial en la ueste, do los es atribuida cuasi universal con ateni la direto per vota de femes, neutralia en jenero en linguas, diretos de controla de reprodui per femes (incluinte asede a contrasepis e abortas). An si la avoca femiste es, e ia es, xef focada sur la diretos de femes, alga femistes razona per la inclui de diretos per omes en sua goles car los crede ce omes es ance danada par la roles de jeneros traditional. Teoria femiste, cual emerje de promoves femiste, atenta comprende la natur de nonegalia de jeneros par esamina la roles sosial de femes e sua esperia en vive. Lo ia developa teorias en un varia de campos per responde a la problemes de jenero.
Multe promoves e ideolojias femiste ia developa tra la anios e represente vistas e goles diferente. Alga formas de femisme ia es criticada per foca sola sur femes blanca, de la clase media, e educada en universia. Esta critica ia resulta en la crea de formas de femisme per etnicos spesifada o per formas multicultural de femisme, incluinte femisme afroamerican e femisme intersesional.
La istoria de promoves femiste moderne es divideda en tre "ondas". Cada onda ia tra aspetas diferente de la mesma problemes femiste. La onda prima ia es composada de la promoves per la direto de vota per femes en la sentenios 19 e 20 temprana. La onda du ia es asosiada con la ideas e atas de la promove de libre de femes, comensante en la desenio de 1960, campaniante per egalia lega e sosial per femes. La onda tre, comensante en la desenio de 1990, es un continua de, e reata a, la falis persepida de femisme du.